癸巳年八月十六日，晴，重煙霞，超強颱風天兔於臺灣以南直迫香港。
就在禮拜多前 Ivy 比電話我約行山，要我提議幾條簡易路線以供選擇，其中就有這條我未行過但又比較簡短的路程。在 Ivy 决定路線前我有問佢會否帶布甸仔出嚟，佢否定。
出發前一晚 Ivy 來電通知我有三大一細出席。既然亞達會嚟，咁 Ivy 要揍布甸行山都應該唔係問題。
約定十點半出發，未有耐 Ivy 帶着布甸仔出現，但都未見亞達到嚟，致電問明原因才知亞達未收到確實回覆云云…
雖然我未曾行過這個路線的某尐路段，但既然 Ivy 有行過，咁就照原定嘅出發。
行了冇多久，小布甸就開始要 Ivy 抱抱，喺 Ivy 半氹半就的拉据式前進下，真係難以想像三個鐘的行程會被拖長到幾時…
我有提議改去黃龍玩水，但喺澗道活動係需要平衡力，否則就容易出意外，所以都係算吧，仍照既定的行進再算。
還好在行婆髻山腳的山路可以不用抱，只係要行得耐些少吧。
葫蘆茶
唔知係咪石屎路唔多好行，當到達往白芒村前的行車路時小布甸又扭計要 Ivy 抱抱。布甸仔三歲半重約卅磅，若按 Ivy 所講喺山腰涼亭處大休，實在太過勉強 Ivy 嘅手瓜了，所以都係喺白芒村村口旁幾張凳大休半句鐘再後再作决定。
白芒焚化爐
白芒石澗
Ivy 話涼亭距離白芒村不算太遠，但當要帶着一個唔願意行又要扭計耍抱嘅細路的話，就真係另一回事，尤其要上山！到將近涼亭處，我着 Ivy 快步在前，由布甸仔聲淚俱下的緊隨其後，至到達涼亭為止。
涼亭處有不少遊人觀賞山外遠境，然則布布仍哭過不停並鬧着要走又嚷着要瀡滑梯的甚麼，而真正的為吵甚麼 Ivy 就最為清楚。當吵得人走了才肯作罷而睡，直至安置好了小布甸午睡時的片刻，才算是真正的大休。
小布甸扭計要抱
右邊往梅窩方向
左往梅窩
萬興橋
大休過後便繼續行程，午睡後的布布少了要抱的扭勁，但仍要用些方法氹佢行，比如甚麼“阿姨姨伯伯仲喺後面，我哋行快尐唔好比佢哋追到…”，以至角色扮演 Thomas 火車頭甚麼是甚麼的，目的都是希望布甸仔自己肯行。
閣下在此
銀礦灣瀑布
到了梅窩小布甸又開始要 Ivy 抱抱，還好的是距離終點“巴士站”不遠，整個行程尚算順利，乘 3M 返回東涌散隊。
沒有留言:
張貼留言