癸巳年八月廾七日，晴，有煙霞。
約於禮拜前少有地收到行山‘老’友阿仁嘅電話話國慶日約行山，路線是由嘉道理農場行南北大刀屻至粉嶺火車站，當即應承並通知另一行山友 Ivy，由 Ivy 再通知亞達及其他（有興趣）人仕。
Ivy 打算九點半先在大埔火車站集合，再乘巴士往嘉道理農場，而阿仁約定嘅時間係十點，按照（自己嘅）推斷，Ivy 等人應該不可能準時到達，遂知會亞仁等自行調節出現時間（建議是十點三左右）。
到當日九點九左右我正在巴士前往嘅途中，亞達突然打嚟話佢地已經到咗嘉道理！簡直預算赶不及變化，我到達時才知道佢地有亞布嘅私家車代勞，而且小布甸都係車上。
一衆在車內寒喧一番直至亞仁及 Donald 出現才起行，原來久未見面的亞歐亦已出現（早於亞仁及 Donald 之前，獨個在對面線等待）。人齊，六位，出發！
開始的一段就是走入樹蔭下的明顯上山路徑，當然在行進途中各人亦都邊行邊噓喧南北西東，慢步前行。
我就一而既往地不留力的向上超前，咁影相時就可以影到行友前面，而唔係行友嘅背脊，當然自己習慣嘅步速都係超前嘅原因。
言則亞仁乃不減當年狀態般緊隨其後，果然係只要每個放晴嘅禮拜日都會走一趟青山的成果！
背景係嘉道理農場，我竟誤以為係豪宅…
一隊裏面，有走最頭就會有行最尾，而亞達就係傾向行最尾嘅一位行友，可能亦係最會留腳力行長途嘅一位？
遠望對山，人在哪裡？
六倍 zoom 出人影
在行進嘅途中除咗可以遠望山嶺河灣外，近望就有花草蟲鳥，而一般欣賞杜鵑花嘅季節會喺春天三四月咗近，可能我平時冇乜留意，秋季都可以睇到杜鵑花。
羊角拗
由南大刀至北大刀，行程約為個半鐘。在北大刀屻三角測量柱前的大石上等齊行友，再决定哪裏大休，一衆隨亞歐嘅建議前往測量柱不遠處嘅涼亭大休。
到達涼亭時已有其他行山人仕進駐亭內，雖亭外不遠處有樹底遮蔭位，但我寧可不客氣地混進人群外圍亭邊蔭位大休… 原本駐場的人仕不久就繼續佢哋嘅行程。
大休時嘅話題不着邊際，由亞歐曬傷後頸、亞仁食嘅大同月餅、猩猩嘅四核小米手機當相機用等等，恍了大休的一個鐘多些，咱們小隊繼續起程。
曾探遊的不明顯小路
大休時影的蝶與蜢
又約一個鐘的行程，到達了新起的觀光地標亭，而昨日落嘅雨（Ivy 仲擔心話落雨唔嚟…）未有令帶有煙霞嘅景觀清晰一些，以至草草哋影過幾張相就算了。
洛神花
太極園前合影
新起的觀光地標亭
過咗箕勒仔三角測量柱冇耐，一衆山友就要决定兵分兩路；一走華明，還是按計劃落粉嶺火車站（此前 Ivy 用佢 iPhone 嘅九巴 app ‘誤’導我以為華明尚保有 77K 舊線）。但我覺得喺粉嶺才散隊會比較好尐。
就咁一行人五點鐘到達粉嶺火車站，亞仁、Donald 同我一齊去華明邨，才發現九巴東北大改組嘅影響，唯有返回蓬瀛仙館對出巴士站前，乃見亞歐仍在等巴士。
而 76K 都改咗線… 結果要先坐 273A 到上水轉車站等 76K，而且冇轉乘優惠！變相元朗、天水圍、屯門等西北地區往來粉嶺的巴士全線加價！
沒有留言:
張貼留言