癸巳年九月十一日，晴。
重陽收到亞仁嘅電郵話約後日行山，我當然冇問題。另外在電郵中提到亞仁嘅手電已經爆咗額，無怪乎會出 email 約行山。而原本 Donald 建議嘅路線係 “Long Ping > 玉女拜堂 > Ah Kai Shan > fish ponds > Lau Fau Shan”。
當日並非假日，只係 Donald 接連幾日都係輪間休假，加上亞仁當日清假，計埋我就三人成行。
在地圖上通常標示的是髻山，丫髻山只係口語上嘅叫法。而對上一次遊丫髻山係 2009 年嘅 12 月，已經係三年幾前嘅事啦~
十點十五分左右，朗屏西鐵站等齊人後出發。Donald 諗著由貨櫃場經玉女拜堂穴上丫髻山，但我建議由朗屏邨對開停車塲入小徑上山，但原來 Donald 知道朗屏邨對開有另一條小徑都可以上山。
小徑上嘅山係丫髻山南面嘅山崗，而玉女拜堂墓穴比較接近貨櫃場方向，Donald 建議直截了當的過山谷「河」位向穴位進發，而我同亞仁寧愿經由丫髻山腰兜過谷位往玉女拜堂去。
我自己對風水墓穴冇乜研究亦不感興趣，草草影了一兩幅相也就罷了。
參觀過後就直上丫髻山，在南髻山頂小休一會，就繼續往北髻。而北髻西面一側則被山火燒過，正正被落往盛屋村的山路隔開了。
用數碼相機影嘅相，點都比手機影嘅高質素，尤其 zoom 遠拍攝或微距對焦。只係當自己唔記得帶後備電時，手機就可以當為後備相機咁用，而且有埋 GPS 定位（不過有時唔準，甚至冇定到位）。
係山上望落連連的圍塘、同親身走在圍塘路中的感覺，就好比慢步海邊沙灘、與身在無邊際的海中的感覺有些類同，加上一路上樹蔭不多，走在太陽底下又辨不清方向的感覺實是難受。
曾經的圍塘路，令我憶起友人的近况。世事無常、人生亦然。2005 年 3 月曾同遊“元朗屏山文物徑至流浮山”的一位好友，而今卻因出血性中風卧於 ICU 的床上… 僅祝他早日康復！
不知是否受心情低落的影響，令享受行程嘅興趣大減。只是隨便的找個有遮蔭的地方大休過後，沿石屎路行至尖鼻咀，再上尖鼻咀瞭望台作片刻的小休。據 Donald 講小山頂亭旁平地邊原本置有兩台望遠鏡，不知甚麼原因現在沒有了。
沿馬路繼續往流浮山進發，行經上沙橋村，Donald 提議進村出石灘看看高如小樓的紅樹林，我本想作罷躲在蔭涼處趁機休整，但不竟未曾遊歷也就不好推卻不陪同行，就隨着往石灘觀賞后海灣的午後景色。
逗留片刻，又經在大樹下乘涼的外傭指點提示可往另一邊的石灘探賞，過後在村內找一小店舖（士多）稍侍休息，並由亞仁請飲汽水。士多雪櫃內的罐裝除了可樂（$5）就是啤酒（$7）。至於甚麼原因令亞仁慷慨解囊就不得而知了（好似Donald嘅斬獲更多云云~）。
涼快過後繼續沿深灣路往流浮山方向前進，行了沒多久的就齊齊上了開去元朗的小巴，結束一日嘅行程。
很好的記錄，很好的敘述，有心的製作。
回覆刪除